Villacidro, s. croce di Seddanus.

SA GRUXI DE SEDDANUS

 Sa cruxi de Seddanus č una cruxi
nascia cun su sudori de sa menti:
su populu dd'hat fatta po la luxi
de su sentidu bonu de sa genti.

Dd'ha arziada in su monti, dd'hat pensada
po s'amori 'e sa bidda, cu' arrexoni,
ca de su Campidanu illuminada
dogn'animu, placat dogna passioni.

E Biddacirdu, bella che in beranu
su frori, dda incoronat de friscura
de sa punta 'e is Campanas a su pranu.

De Seddanus sa cruxi est una pura
idea de amori, signu de cristuanu
consillu, in custa perla de natura.

Anonimo