Villacidro, lavatoio pubblico.

SU LAVATORIU

 Ddoi est ua mama ingui in nsu lavatòriu
chi parit agordèndu sa memoria
de totus is chi funti in gimitòriu
e in bidda nòsta fatu anti sa storia.

Mancai de pèrda siat, in su rumòriu
chi fait in cussu traficu ua baldoria,
su còru tèit de sàngui; su sciollòriu
dda toccat pagu: pènsat a sa gloria!

Gloria de gènti pòbera, a pèi in terra,
de òminis e fèmias poberitas
chi dogna dì po bivi fiant in gherra:

sciaquèndu pannus, tiallas e sachìtas
is fèminas, de is cambas cun sa sèrra
fadèndu fòrza po èssi beneditas

in su traballu po sa dòmu insòru;
e is omis bòis e quàddusu po acuai
a innoi beniant in circa de unu tesòru
cun s’aqua bòna po si ristorai.

E s’è abarrau custu capulavòru
de is tèmpusu de Pinna de amirai:
a ddu castiai s’allirgat in su còru
i est cosa in bidda nòsta de bantai.

Ma no est po vanagloria! a innòi beneus
ca innòi funti is arrèxinis de bidda,
e po sa mitza ringratziaus a Deus:

‘nsu mèntris de cust’aqua in d’una stidda
che prènda de òru a si assoddì pedeus
is làmbrigas de is mamas!

Prangendidda sòla
su mucadòri in cònca e cun sa màriga
sa mama aturat in su lavatòriu…



IL LAVATOIO

C’è una mamma laggiù nel Lavatoio
che pare far la guardia alla memoria
di quanti sono ormai nel cimitero
ma del paese mio fatto han la storia.

Di pietra è fatta: eppure nel rumore
del traffico che ha intorno, una baldoria!
di sangue ha il cuore, e quel gran vorticare
la tange poco: lei pensa alla gloria!

Gloria di gente povera, a piè in terra,
di uomini e di donne, poverette
per vivere schierate sempre in guerra:

lavando i panni, i teli e le sacchette
le donne con gli stinchi sostenendo
quella fatica ad esser benedette

in quel travaglio per la casa loro;
e buoi e cavalli gli uomini portando
e beverare in cerca di un tesoro
con l’acqua buona che ti dà il ristoro.

E testimone c’è il capolavoro
dei tempi del buon Pinna da ammirare
nel riguardarlo ti rallegra il cuore
e qui in paese te ne puoi vantare.

Ma non per vanagloria: qui veniamo
a ritrovare le radici antiche
dell’esser nostro, e ringraziamo Dio

per questa fonte, e trepidi chiediamo
che d’ogni mamma il lacrimar sia colto
in una stilla d’oro di quest’acqua:
la piangerà
con la sua brocca e il fazzoletto in testa,
sola, la mamma là, nel Lavatoio.

Salvator Angelo Spano
(Bentus de su Cramu)